بيزنس وبورصة
بيزنس اكبر ومبيعات اكثر: الحلقة الاولي
لو انت عندك بيزنس يبقي لازم يبقي عندك موقع علي الانترنت.. انشالله صفحة واحده بتقول فيها ايه المنتج بتاعك.. وازاي الناس تطلبه.. واسمك وتليفونك واي بيانات تانية عن البزنس!
ايه بقي فايدة الموقع الالكتروني؟
تعال نتخيل ان طبيعة البزنس بتاعك هي الاكل الجاهز مثلا.. وان من ضمن الاكل اللي انت بتقدمه “حمام بالفريك”.. وانت كاتب كده في موقعك..
جوجل بيقوم بتصنيف موقعك والكلمات اللي انت بتستخدمها.. علشان لو حد بيدور علي جوجل مثلا علي مكان بيعمل “حمام بالفريك” يقوم جوجل يقدم موقعك كأحد مقدمي هذا المنتج..
ولو انت عامل سجل تجاري للبيزنس.. ممكن جوجل كمان يفتحلك حساب مجاني تعلن فيه اكثر عن البزنس بتاعك.. والناس ممكن تسيبلك تقييم للخدمة اللي انت بتقدمها.. وكل ما الناس سابتلك تقييم حلو.. فرصتك في تصنيف موقعك ترتفع بالمقارنة مع منافسيك.. وتظهر في ترتيب سابقهم لما حد يدور علي الخدمة اللي بتقدمها..
طيب ازاي ازود الزيارات علي موقعي؟
الخطوة اللي بعد كده تفتحلك قناه علي اليوتيوب وتعرض فيها منتجك.. وتربطها بموقعك.. وتجيبلك زبائن..ده طبعا غير الفيسبوك وتويتر اللي اغلبكم بقوا اساتذه فيه.. وتخلي كل حاجه مرتبطة بموقعك..
خلي بالك.. الفيديو اهم وسيلة تعارف بينك وبين العميل.. مهم يكون واضح وبيعرض المنتج بطريقة شيقة وجذابة..
انت ممكن تضيف تكاليف الموقع للضرائب السنوية فتحصل علي امتيازات اكثر..كل ما عليك ان يكون عندك نظام يتيح لك الاحتفاظ بسجلات مصريف موقعك وارباحك لتتمكن من اضافتها للضراءب. يمكنك تقديم اقرارك الضريبي بنفسك باستعمال احد هذه البرامج بشرط اجادتك للغة الانجليزية:
انت في موقعك ممكن تكتب مقالات عن المجال بتاعك.. وكل ما تقدم معلومات تفيد الناس.. تلاقي الاقبال علي موقعك بيزيد لان جوجل بيقوم بالتسويق للموقع بطريقة افضل فالناس بتعرفك اكثر!
لو استثمرت حوالي $30 شهريا فقط.. تقدر تبتدي تعرض منتجاتك علي الموقع والناس تشتريها مباشرة وكل اللي عليك انك تعرضها بطريقة حلوة ولو اضفت فيديو للمنتج بتاعك
يبقي كده ميه ميه.. ومبيعاتك هتزيد حتي من ناس انت مكنتش هتعرف توصلهم بالطرق العادية..
طبعا كل ما محتوي الموقع زاد.. انت محتاج مساعدة في تصميم الموقع علشان شكلة يبقي محترف. هنتكلم في الموضوع ده في مقال منفصل.. لكن عليك دلوقت تفكر هتسمي موقعك ايه وتسجله في خدمة تسجيل المواقع
ازاي اسجل اسم موقعي؟
اهم حاجة انك تفكر في اسم موقع سهل الناس تفتكره ويكون بيعبر عن طبيعة البيزنس بتاعك.. مهم انه يكون سهل في التهجئة للعميل العربي وغير العربي.. انت ممكن تجرب من هنا اختيار اسم موقعك والاداة دي هتقولك اذا كان الاسم ده متاح وتقدر تشتريه بكام
اصمم موقعي ازاي وانا معنديش خبرة؟
وانت فاكر ان كل واحد عنده موقع هو خبير تصميم مواقع؟
أغلب مقدمي خدمة انشاء المواقع بيقدموا حاجة اسمها Templates ودي عبارة عن نماذج سهلة التعامل معها.. انت بتستبدل الصور اللي فيها بصور من عندك وتغير التكست وخلاص.. مش مضطر تتعلم لغة برمجة او اي حاجة.. وانا بنصح انك تتفرج علي شوية فيديوهات تعلمك ازاي تستخدم الخدمة.. ودقني الموضوع مش صعب اطلاقا.. ما هو انت لازم تتعلم!
لو خصصت ساعة في اليوم تقدر تفهم الليلة كلها في خلال اسبوع واحد بس.. وده هيوفر عليك وقت ومجهود لو عايز تكبر الموقع او تضيف منتجات جديدة.
احجز موقعك اليوم واحصل علي خصم 50% اول 36 شهر
في المقال القادم سنستكمل الحديث عن تصميم موقعك.. فتابعونا!
