بزنس اكبر ومبيعات اكثر: الحلقة الثانية

كنا اتكلمنا في الحلقة الاولي عن الموقع الإلكتروني وازاي تبدأ الموقع بتاعك.. وعايز في هذه الحلقة ارد علي بعض الاسئلة في صورة نقط محددة.
-اولا: افتكر دايما ان زبونك ممكن يكون مبيعرفش عربي.. خلي دايما في دماغك ان موقعك يحتوي علي نصوص باللغة الانجليزية بجانب اللغة العربية. انت ممكن تستعمل اي موقع للترجمة زي:
في الموقع ده انت ممكن تعمل نسخ ولصق لاي نص بالعربي يترجمهولك بالانجليزي.. بس برضه اقرأ الترجمة وما تخدهاش عمياني علي موقعك.. بس هيوفر معاك وقت ومجهود.
-ثانيا الصور: لو هتاخد الصور بنفسك حاول تستعمل كاميرا كويسة واضاءة بيضاء.. كاميرات الموبايل والموديلات الحديثة تكفي لهذا الغرض. ممكن تستعمل حاجه بسيطة زي اللي في اللينك ده علشان الصورة تطلع احلي واوضح:

ممكن تستعمل كاميرا ديجيتال للصور.. اهم حاجة هي وضوح الصورة.. لو محتاج كاميرا ممكن تختار من المجموعة دي:

لو هتستعمل كامير الموبايل يبقي يستحن انك تستعمل مثبت للتليفون علشان الصور متكونش مهزوزة.. اختار من هذه المجموع ما يناسبك:

مهم جدا ان الصور تكون واضحة. مش لازم تكون محترف. احيانا كتير الناس بتحب الصور الحقيقية من غير لعب كتير بالفوتوشوب.
-ثالثا: اكتب باختصار وضيف طريقة ممكن الناس تتواصل بيها معاك لو عندهم اسئلة.. زي مثلا انهم يبعتولك علي صفحتك او علي الفيسبوك او انستجرام او غيره. ده بيبني ثقة وخصوصا لو العميل ميعرفكش.
– حط فيديوهاتك علي اليوتيوب والفيسبوك ودايما اتأكد ان موقعك مضاف في التعليق وتذكره في كل فيديو انت بتسجله. انت متعرفش مين هيتفرج علي انهي فيديو وامتي!
– لازم في البدايه تركز علي مجموعة منتجات بتحل مشكلة معينة للعميل.. يعني مثلا موقع لعرض منتجات قطنية ١٠٠%.. ممكن تتكلم ان منتجك بيساعد الاطفال والكبار اللي اجسامهم مبتستحملش الخيوط والقماش الصناعي بالاضافة الي ان منتجك مثلا قادر علي الحفاظ علي لونه وجودته بعد الغسيل المتكرر. لازم تقول للناس ايه الميزه اللي عندك ومش موجودة عند الاخرين.
– متخافش من المنافسة مع امازون او وولمارت او اي محل كبير طالما عندك منتج متميز. الناس بتحب تتعامل مع شخص تقدر تتواصل معاه وتثق فيه. لازم تبني الثقة وتخلي سعر منتجك مناسب وبلاش الطمع لو لقيت نفسك بتنجح.. كل ما تنجح اكثر قوم بتخفيض اسعارك..
في الحلقة القادمة هنناقش حاجه مهمة جدا عن تصميم الموقع بتاعك.. تابعونا ومتنسوش تحصلوا علي موقعكم الجديد من هنا:

Leave a Reply

Your email address will not be published.

This site uses cookies